story

కవితా సేవ

సేవ

ప్రజాసేవ కాదు..

ప్రజల సేవ .. అక్షర సేవ.

ప్రజాసేవలో మోసం -

ప్రజల సేవలో ఆనందం ..

…అందులో రాజకీయం

ఇందులో నిస్వార్ధం

కత్తిలాంటి కలం …..

సేవలో ఉంది నిజం.

అక్షరం సాగిస్తుంది సేవ

పార్టీలకతీతంగా  చేస్తుంది సేవ

గొప్పది..గొప్పది  ఈ సేవ.

మంచోల్లందరికీ నచ్చుతుంది

గిట్టనోల్లకు నొప్పుతుంది.

– కత్తిమండ ప్రతాప్

———————————————————————-

హృదయంలోకి

వంపు తిరిగే దారులు

నాహృదయం అని నేను పిలుచుకునే దాంట్లోకి
దారులు వంపు తిరుగుతాయి
ఆ దారుల్లో నేను ఒంటరిగా కాని
లేక నాకిష్టమైన వాళ్ల జ్ఞాపకాల్తో పాటుగాని పయనించాను.
ఒక్కోసారి అద్దాల్లా మెరిసే భవనాల ఉపరితలానికడ్డంగా
విస్తరిస్తూ సాగే ఉషస్సులాగ-
ఒక్కోసారి అవి నా కంటిమధ్యలోంచి పోయేలా
కాగితపు ముఖంమీద గీసిన గీతలంత సన్ననివి
నా హృదయం అని నేను పిలుచుకునే దాంట్లోకి
వంపు తిరిగే దారులు
నా ఇంటి గోడల్ని నా జీవితపు గుంతలో
కరగించే రాత్రులవంటివి
నా హృదయం అని నేను పిలుచుకునేదాంట్లోకి
దారులు వంపు తిరుగుతాయి
ఆ దారుల్లో నేను ఒంటరిగా కాని
లేక నాకిష్టమైన వాళ్ల జ్ఞాపకాల్తో పాటుగాని పయనించాను
నేను వీటి కొసల్లో అంతవౌతుంటే
ఇవి మళ్లీ మొదలవుతాయి
ఈ దారుల చివర్లను ఏమని పిలవాలి?

– నాగ

——————————————————————-

చిట్టి కవితలు

మా పల్లె బస్సు
నిండుగర్బిణి
ఎప్పుడూ
ప్రసవవేదనే! చిత్తు
కాగితానికి
విలువనిస్తుంటే
అది డబ్బే

-శ్రీనివాస్

————————————————————-

నాలో నేను

నిత్యం
నేను నాలోకి ప్రవహిస్తుంటాను
నిశితంగా పరామర్శించుకుంటాను
మానవీయపు పలకరింపులు
మనోపేటికలో
జ్ఞాపకాల దొంతరలై
పరిమళిస్తూనే వుంటాయి.
అవాంఛిత రాగాలు రోగాలై శ్వాసించినా
నిశ్వాసమై విడిచిపెడుతుంటాను
మనసు మర కాదు కదా…!
పాతికేళ్ళనాటి ప్రతిరూప చిత్రం
రంగుల కాగితంపై
కళ్ళముందు దర్శనమిస్తూనే వుంటుంది
ఛాయచిత్రం మాయాచిత్రమై
మోసం చేయవచ్చేమోగాని
మనసెప్పుడూ మానవీయత్వపు
మల్లెచెండే
దశాబ్దాల ప్రయాణం
శరీరం వనె్నతగ్గించిందేమోకాని
మనోశ్వాస
కొత్తచిగురై పల్లవిస్తూనే వుంది
నేను నిరంతరం
ప్రవహించే ‘‘మనిషి’’ని

-సోమేపల్లి వెంకటసుబ్బయ్య

——————————————————————–

*****************

కత్తిమండ కవితాక్షరం

*****************

రాజకీయమా …!

హలో ఒక్క మాట
ప్రభుత్వం ఉందా?
ఉంది.

ఎక్కడా?
సచివాలయంలో..

ఏమిచేస్తుంది?
నిద్రపోతుంది .

ముఖ్యమంత్రి ఉన్నాడా?
ఉన్నాడు

ఎక్కడా?
పదవి కాపాడుకోవడం లో..

ఎందుకు ?
తుమ్మితే ఉడే ముక్కు కదా…
ఒహొ…!

ఎందుకని?
రబ్బరు స్టాంప్ కదా…
మరి ..మరిఏ ..

రాష్ట్రంలో ప్రతిపక్షం ఉందా?
ఉందయ్యా  బాబు .

ఎక్కడా ?
మంచం మీద .

అదేమిటి?
మరి చంద్రబాబు ఉన్నదీ
మొన్నటి వరకు మంచం మీదే కదా .

పడుకున్నడా ?
అబ్బా..
ప్రతిపక్షం పడుకుంది..
నేడే సైకిలేక్కింది.

కోత్హపార్తీలు లేవా?
ఉన్నాయి

ఎక్కడా ..?
మొన్న కృష్ణా నదిలో
నేడు విశాఖ తీరాన ..

అదేంటి..?
రైతులకు పిండాకూడు పెడుతున్నారు
ప్రభుత్వానికి సవాళ్లు విసురుతున్నారు

ఎర్రజెండాలు లేవా..?
ఉన్నాయి.

మరి వాళ్ళు …!
ఎర్రోళ్ళు ఐపోయారు

ప్రజల పేరుతో వచ్చిన పార్టీ లేదా..?
ప్రజలు లేకుండా పోయారు.

ఇంతకు మనది ఏ రాష్ట్రం….?
రావణ రాష్ట్రం

ఆంధ్రప్రదేశ్ కాదా…?

దీక్షాన్ద్రప్రదేశ్…. !

– కత్తిమండ   ప్రతాప్

————————————————

కులం రక్కసి

కులం కులం కాకుల కులం
కావాలి అందరికి ….ఆ కులం
రక్తం కక్కుకు చావడానికి
కులం తో ‘మాల’కట్టవచ్చు
ఆ ‘మాల’ ‘మాదేగా’ అనవచ్చు
చావొచ్చు ..చంపొచ్చు ..చంపుకోవచ్చు
‘కాపు’ కాయలేని ఈ కుల సమాజం లో

నువ్వే ‘రాజు’వి ..
నువ్వే  జుస్టీస్  ‘చౌదరి’ వి ..
నువ్వే బండేక్కే బం’డ్రేడ్డి’వి..
అందుకే కుల బండులోస్తున్నై
ఓపికుంటే ముందుకు త్రోసుకు చావండి

పదండి ముందుకు..
పదండి ముందుకు…
తోసుకు పోదాం

కుల చక్రాలను
త్రోలుకు పోదాం…

కుల చక్రాల కుతంత్రాల కింద పడి
చచ్చిపోదాం….

- కత్తిమండ ప్రతాప్

ఓ మానవత్వమా నువ్వెక్కడ !?

ఓ మానవత్వమా నువ్వెక్కడ !?


ఓ ముదుసలి
బక్క చిక్కి..నక్కి నక్కి ..
గుప్పెడు మెతుకుల కోసం
ఎదురుచూస్తుంది.
తెల్లటి చెరిగిన జుట్టు
ముడతలు పడిన శరీరం
డొక్కలు వ్రేలాడుతున్న దేహం ..
బిక్కు బిక్కు మంటూ చూపులు
ఎవరైనా ...ఆదరిస్తారనే
ఎదురు చూపులు!!!
అందరు చూస్తున్నారు..?!
కాని ..??
కనికరించే మనసు
స్కార్పియో మనసులకు లేదు !
ఇండికా మను సు లకు లేదు..
టాటా సుమో జీవితాలకు లేదు.
యమహ కుర్రాళ్ళకు లేదు
సన్నీ అమ్మాయిలకు లేదు
పూజకెళ్ళుతున్న పూజారులకు లేదు..
హుండిలో డబులేసి వస్తున్న భక్తులకు లేదు!!!!
ఓ మానవత్వమా ఏది నీ చిరునామా !

-కత్తిమండ ప్రతాప్

మనిషి -పశువు

మనిషి -పశువు

మినీ కధ

-కత్తిమండ ప్రతాప్ .

*ఉదయమే మార్కెట్ కి వెళ్ళాను. ఒక కొట్టు దగ్గర జనం చాల రద్దీగా ఉన్నారు."ఏమిటబ్బా అంత హడావుడి "అని నేను అక్కడకు వెళ్లి చూసాను.*వరుడు లు అమ్మబడును* అని బోర్డ్ ఉంది."ఇదేమిటబ్బ ఈ టైపు మ్యారేజి బ్యురోలు కూడా వచ్చాయా "అనుకుని వివరాలు చదివాను."ఇంజనీరు -యాబై లక్షలు ,డాక్టరు -యాబై లక్షలు,ప్రభుత్వ ఉద్యోగి -పాతిక లక్షలు,"ఇలా రేటుల పట్టిక ఉంది .

మా అమ్మాయికి కూడా పెళ్లి చేసే యోచనలో ఉన్నాము కదా!మా అమ్మాయికి తగిన వరుడు రేటు ఎక్కడుంది? అని నా కళ్ళు పట్టిక వెతికాయి.పై నుండి కింద వరకు రెండు సార్లు చదివాను.నా కళ్ళు బైర్లు కమ్మాయి.నేనా రిటైర్డ్ ఉద్యోగిని ..సంసారం చాలీ చాలని జీతంతో ఈదుకోచ్చాను .పిల్ల పెళ్లి కోసమని ఏదో ఒకలక్ష రూపాయలు వరకు దాచాను.పెళ్లి ఖర్చులు పోను...కాని లక్షకు ఆ పట్టికలో " ప్రైవేటు నౌకరు -ఒకలక్షా " అని ఉంది.అంటే నేను నౌకరును లక్ష రూపాయలకు కొనాలా !.అంతకు మించి వరుడు దొరకడా?.ఛీ..ఈ లోకం ఎటు పోతుంది ?.నాకు నిజంగా ఏడుపు తన్నుకొచ్చింది.గేదెలను కట్రాడుకు కట్టి అమ్మిన్నట్టు అబ్బాయిలను అమ్ముతున్నారా అనిపించింది.పశువుకు మనిషికి పెద్ద తేడా కాని ఈ లోకం మాత్రం వెర్రితలలు వేస్తుంది అనిపించలేదు నాకు.

రాజకీయమా ...

       రాజకీయమా ...

హలో ఒక్క మాట
ప్రభుత్వం ఉందా?
ఉంది.

ఎక్కడా?
సచివాలయంలో..
ఏమిచేస్తుంది?
నిద్రపోతుంది .
ముఖ్యమంత్రి ఉన్నాడా?
ఉన్నాడు
ఎక్కడా?
పదవి కాపాడుకోవడం లో..
ఎందుకు ?
తుమ్మితే ఉడే ముక్కు కదా...
ఒహొ;
ఎందుకని?
రబ్బరు స్టాంప్ కదా...
మరి ..మరిఏ ..
రాష్ట్రంలో ప్రతిపక్షం ఉందా?
ఉందయ్యా  బాబు .
ఎక్కడా ?
మంచం మీద .
అదేమిటి?
మరి చంద్రబాబు ఉన్నదీ
మొన్నటి వరకు మంచం మీదే కదా .
పడుకున్నడా ?
అబ్బా..
ప్రతిపక్షం పడుకుంది..
నేడే సైకిలేక్కింది.
కోత్హపార్తీలు లేవా
ఉన్నాయి
ఎక్కడా ..?
మొన్న కృష్ణా నదిలో
నేడు విశాఖ తీరాన ..
అదేంటి..?
రైతులకు పిండాకూడు పెడుతున్నారు
ప్రభుత్వానికి సవాళ్లు విసురుతున్నారు
ఎర్రజెండాలు లేవా..?
ఉన్నాయి.
మరి వాళ్ళు ...!
ఎర్రోళ్ళు ఐపోయారు
ప్రజల పేరుతో వచ్చిన పార్టీ లేదా..?
ప్రజలు లేకుండా పోయారు.
ఇంతకు మనది ఏ రాష్ట్రం....?
రావణ రాష్ట్రం
ఆంధ్రప్రదేశ్ కాదా...?
దీక్షాన్ద్రప్రదేశ్.... !

- కత్తిమండ   ప్రతాప్

కంచర్ల సుబ్బానాయుడు గారికి..
మీ సేవ పత్రికను నేను గమనిస్తున్నాను.
ఎ స్వార్ధం లేకుండా నిస్వార్ధంతో
పత్రిక నడిపించడం కత్తి మీద సాహసం.
బ్లాగ్ లో అన్ని ఇవ్వడం నిజం గా కష్టతరమైన విషయం
అన్ని తాజాగా టైపింగ్ చెయ్యడం మాటలు కాదు.
మీ సాహసానికి నా సాహితి వందనాలు.
కష్టపడుతున్నారు..మేము ఇష్టపడుతున్నాము.
మా రచనలు ఉపయోగపదతాయంటే చెప్పండి

కత్తిమండ ప్రతాప్
ప్రిన్సిపాల్
వొకేషనల్ అండ్ డిగ్రీ కాలేజి.
రచయిత ,జర్నలిస్ట్.
తూర్పుగోదావరి

కులం రక్కసి

           కులం రక్కసి 

కులం కులం కాకుల కులం
కావాలి అందరికి ....ఆ కులం
రక్తం కక్కుకు చావడానికి/
కులం తో 'మాల'కట్టవచ్చు
ఆ 'మాల' 'మాదేగా' అనవచ్చు
చావొచ్చు ..చంపొచ్చు ..చంపుకోవచ్చు
'కాపు' కాయలేని ఈ కుల సమాజం లో
నువ్వే 'రాజు'వి ..
నువ్వే జుస్టీస్ 'చౌదరి'వి ..
నువ్వే బండేక్కే బం'డ్రేడ్డి'వి..
అందుకే కుల బండులోస్తున్నై
ఓపికుంటే ముందుకు త్రోసుకు చావండి
పదండి ముందుకు
పదండి ముందుకు
తోసుకు పోదాం కుల చక్రాలను
త్రోలుకు పోదాం
కుల చక్రాల కుతంత్రాల కింద పడి
చచ్చిపోదాం.... 

  - కత్తిమండ ప్రతాప్